منتدى افلام دوت كوم
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى افلام دوت كوم

لدخول مرة اخرى الي منتدانا ومنتداكم افلام دوت كوم اكتب في جوجل منتديات افلام دوت كوم الخيار الاول
 
الرئيسيةس .و .جبحـثقائمة الاعضاءالمجموعاتالتسجيلدخول
اهلا وسهلا بك في منتداك افلام دوت كوم
سجل وشارك معنا ليصلك كل جديد
نعتزر لجميع اعضاء منتدنا الكرم عن طول فترة غيبنا ونعدكم اننا قادمون افضل من السابق (المدير العام للمنتديات افلام دوت كوم)

شاطر | 
 

 شوية نكت من التيييت اللى قلبك يحبهم اللى عايز يألش على صحابه يخش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
المدير العام
المدير العام


الهواية :

الفريق المفضل :

العمل :

البلد :

المزاج :

نوع المتصفح :

عدد المساهمات : 404

تاريخ التسجيل : 31/03/2011

العمر : 22

مُساهمةموضوع: شوية نكت من التيييت اللى قلبك يحبهم اللى عايز يألش على صحابه يخش   الخميس 23 يونيو 2011 - 20:49

ايه الفرق بين الزير و القلة؟
فيه فوازير لكن مفيش فوقله

إيه وجه الشبه بين الحلاق وجورباتشوف ؟
الإتنين بيتعاملوا مع الروس

ايه الفرق بين الفيل و البرغوت ؟
الفيل ممكن يتملى براغيت لكن البرغوت مش ممكن يتملى فيلة

ايه الفرق بين المزرعة و البطاطس النصف مقلية ؟
دى فارم و التانية فارم فريتس

ما الفرق بين التليفزيون والغسالة ؟؟
مفيش فرق الاثنين بيستعملوا اريال

ايه الفرق بين القلة و الزير ؟
فيه فوازير و مفيش فواقلة

ايه الفرق بين عمرو دياب و إليسا ؟؟
إليسا بتعمل شريط كاسيت
و عمرو دياب بيعمل شريط كاراجل

ايه الفرق بين الخنفسه وفريق الكره؟
الخنفسه حشره
فريق الكره حداشر

إيه الفرق بين الليمون والزيتون ؟؟
الأولاني بيتعمل منه لاموناتة والتاني مابيتعملش منه زاتوناتة

ايه 5 فروق بين النملة و الفيل؟
1-رجل الفيل ممكن تنمل و رجل النملة مش ممكن تفيل
2-البيت ممكن يبقى فيه نمليه لكن ما فيهوش فيليه
3-تقدر تاكل سمك فيليه لكن ما تقدرش تاكل سمك نمليه
4-كل واحد له بروفيل لكن ما لهوش برونملة
5-You can feel but you can't namla

فروق بين البطة والوزة ؟
1- تقدر تحلق شعرك زلبطة لكن ماتقدرش تحلقة زلوزة
2- فية رحالة اسمة ابن بطوطة لكن مافيش رحالة اسمة ابن وزوزة
3- تقدر تبلبط في البحر لكن ماتقدرش تبلوز فية
4- كلنا بنتغطى في الشتاء ببطانية لكن مابنتغطاش بوزانية
5- الوزة كانت زمان بطة لكن الشيطان وزها


ازاي نفرق بين الارنب و الارنبة؟
لو جرى يبقى ارنب... لو جريت تبقى ارنبة


ليه القطر مهم ..................... عشان تحتيه خطين


ليه اليابان معندهاش حنان ....................... عشان هي في قاره ( آسيا )


ليه البرازيل معندهاش زراعه التين ................. عشان هي في قاره ( لاتينيه )
ليه القرد سريع ................................ عشان القرد في عين امه غزال


ليه الفيل بينزل البحر بالشورت الاحمر ........... عشان الشورت الاخضر مش نضيف

ليه الكلب بيهوهو ............................ عشان القطه بتنونو


حاجه ليها اربع رجلين وطايره في الهوا ............... قطه مضروبه بالشلوت


للازكياء فقط اللي جاية دي


فرخه معلقه سلسله فيها صوره بيضه ليه ؟؟ ............ صورتها و هي صغيره


فرخه معلقه سلسله وفيها صوره بيض اومليت ليه ؟؟ ......... صوره اخوها الشهيد




واحد ماشي في الشارع و لابس كوتشي ابيض ليه ؟؟ ................ عشان
ماشي مع الطقم


واحد بلديتنا واقف قدام المرايا و مغمض عنيه ليه ؟؟ ......................... بيشوف
شكله و هو نايم


ليه الصعيدى بيلبس شرابات خضرا؟.......................عشان خضرا لابسة شراباته


صعيدى واقف فى الشمس و معاه دودة ليه؟.......................عشات الدكتور
قالله اقف فى الشمس دقائق معدودة


لية الصعيدى بيحط خيارة تحت المخدة؟....................عشان لو حط طماطماية هتتفعص


ايه هوا المشروب المفضل للفراعنة ؟......................لاااااااااااااااااااموووووو وووووون


جامدة اوي اللي جاية دي


ايه هوا الحيوان اللى مشغول علطول ؟..................الخرتيت تيت تيت تيت تيت


ازاى تعرف البواب الصعيدى ؟.......................بينضف الاسانسير كل دور


3دخلوا الحمام دخلوا 1 2 3 خرجوا 3 2 1 ليييية..............عشان دخول الحمام
مش زي خروجوا


عارفين الام مدرسة لية؟؟؟؟؟؟؟؟؟؟؟؟؟؟

بتعلمنا
الصبر ...هاولع فيك بس «بعد» ما تمشي الضيوف
الترقب...طيب.. استني بس لما بابا يرجع البيت وأنت تشوف
الخيال...لما تقع ورقبتك تنكسر.. ماتجيش تعيط
...العدل..بكرة تكبر وتتجوز وتخلف عيال يطلعوا عينك «بالضبط» زي ما أنت بتطلع عيني
الغموض...لما تكبر وتبقي قدي هتفهم أنا عملت كده ليه !
التدين..إحنا لقيناك علي باب الجامع
علم الجينات...أنت نسخة من ابوك


المنتخب العسكرى النهاردة فاز 13 - 0 على موريتانيا
امال لو لاعبنا موريتالتة كنا هنعمل اية !! ؟؟


واحد راح المترو قطع ثلاث تذاكر ....

قابلة واحد قالة انت قاطع ثلاث تذاكر لية قالة ....

عشان لو ضاعت الاولى يبقى ماعاية التانية ....

قالو لو ضاعت التانية قالة معايا التالتة.....

قالة لو ضاعت التالتة ......

.

.

.

.

.

.

.

قالو ما تخفش معايا اشتراك


معدى من جنبها وهى بتذاكر رياضه

فشاورتلها على الرمز ده

د(س)

قولتلها ايه ده؟؟

قالتلى .. دالـــــة ســـين

قلتلها لأ !!!ا

قالتى والله دالـــة سيـــن صدقنى

قلتلها لأ

مش هدلت سين .. لو عايزه تدلتيها إنتى .. إنتى حرة



يعنى بمناسبه إنتخابات مجلس الشعب .... نشوف الناس اللى تحت داهيـّن هترشح نفسها إزاى و إيه الظروف اللى هتترشح فيها

^___^



مدرس رياضه رشح نفسه فى مجلس الشعب .... ؟

محافظه الغردقه ... دائره " مماسيه " ....و عمل ندوه فى نادى " الجومه "

و إتفق مع بلطجيه و " شبه منحرفين " عشان يأمنوا الندوه

و وزع على الأهالى برجر و كاتشب و مسطرده حرف تى


^___^

فنان رشح نفسه فى مجلس الشعب .... ؟

محافظه شمال " سيما "

قال للجماهير : جى أخدمكم من قلبى و " المتحف " انا غرضى شريف

بيقولك ظابط جاله و كان هيلغى الندوه .. قاله لأ انا " مـســرّح " ليا أعمل ندوه هنا


^___^


رقاصه رشحت نفسها فى مجلس الشعب .... ؟

محافظه أوى .... دائره " هزيها الناس لبعضيها " ... مركز شارع الهرم

عملت " ندوه فؤاد " فى كباريه و أول ما دخلت

الجماهير فى صوت واحد : يا بنت الدايره يا بنت الدايره


^___^


لاعب كوره رشح نفسه فى مجلس الشعب ..... ؟

محافظه كوره كـَــفَـــر الشيخ ... دائره " السنتر "


^___^



جزار شــرّح نفسه فى مجلس الشعب .... ؟

بس بيقولك سقط فى الإنتخابات ... عشان جاب لحمه و مجابش لمحمه



واحد راح يعزى رجع من العزا, مراته بتقوله عزيت؟؟ قالها لأ ع السمنة



لو دخل عليك حرامى وعاوز يسرقك

وممكن يموتك اوعى تطلع غبى و تطلب الشرطة

أطلب ماكدونالدز أسرع دليفري في مصر

سواق تاكسي صعيدي في الصين كل ما حد يشاورله يقوله ابو شكلك منا لسا موصلك


واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر

مره واحد بص
والتاني ميكروباص

ليه كوبري القبه سموه كده؟؟...علشان المهندس اللي كان بيبنيه كان واقف عليه فالسيجاره وقعت منه فقال اوباااا

ليه الناموس سموه ناموس ؟

.

.

.

.

.

عشان بيخلي الناس مايناموووس

يا رب يكونوا عجبوكوا







مرة واحد أخد جائزة الأوسكار عن دور برد

========================================
مرة واحد أكل رز معمر ضرب ف وشه

========================================
مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته

========================================
مرة واحد محشش لقي كنز قال: كويس فاضل الخريطة!!

========================================
إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض

========================================
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

========================================
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى

========================================
مرة واحد رخم وواحد غلس الرخم راح للغلس و قاله بص أنا هاعلمك الرخامة و إنتا تعلمنى الغلاسة قاله ماشى جه الغلس ضرب رقم تليفون من دماغه رد عليه حد سأله إبراهيم موجود قاله النمرة غلط تانى مرة إبراهيم موجود قولنالك لأ النمرة غلط تالت مرة يابن ال.....النمرة غلط قام الغلس قال للرخم دى الغلاسة علمنى بقى الرخامة قاله طيب إدينى الرقم اللى كنت بتتصل بيه فرد عليه فقال الرخم أيوا أنا إبراهيم حد إتصل بيا....

========================================
عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.

========================================
واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهوة علمنى انت باة الندالة، راح جه مسكوا وقال حرامى

========================================
واحد مسطول اتصل بشركة الطيران بيسأل الموظفة: الطيارة من هنا لأمريكا تاخد اد اية؟. قالتلة: ثانية واحدة قالها: شكرا وقفل السكة

========================================
اتنين مساطيل ماشين في الشارع واحد وقع في البلاعة التاني راح إستناه عند الحنفية

========================================
مره واحد شرب قهوه الكراسى وقفت فى زوره

========================================
مرة واحد بيلف صينية خبط ف الكوبايات

========================================
واحد ماشى ورا وحدة قالها الحلوة وراها مشوار قالتلة لا وراها حمار

========================================







لييييييه الصيدلى بيبنى عماره ...................عشان يسكن الالم






ليه القطه بتخربش ....................... عشان تكسب











لييه المنبه بيرن .... عشان مش معاه رصيد يتصل





عكس بالونه ايه ........... نشفونا






عكس نجيب محفوظ ؟؟ .......................... نودي محفوظ







واحد بلدياتنا ماشي تحت الكوبري و رافع ايده ليه ؟ ......................... عشان الكوربري مسلح








عايزين نحط فيلين فى البرطمان من غير ما يلمسوا
بعض نعمل ايه ؟؟ ....... نحط فيل مابينهم ونحطهم فى البرطمان






عايزين نركب 4 افيال على عجله نعمل اييه ؟؟.....
نركب فيل ونمسكه البرطمان







خمسه صعايده اعدين فى اوضه كل يوم واحد يطلع لييه؟؟
...... بيلعبوا استار ميطر








ليه الفراعنه ريحه بقهم حلوه ...... عشان كان عندهم ابو الهولز






شويه نكت بقى






مره بدوى قال لابوه : انا عايز اخد نوكيا.
ابوه قاله : على جثتى هتاخد بنت عمك






اتنين صعايده بيلعبوا شطرنج الملك مات مشلول







واحد احول راح يجيب ابوه من المطار باس الشنطه وشال ابوه






واحد ندل فتح مصنع بيبسى كتب على كل علبه
رج جيدا قبل الفتح








مره واحد بلدياتنا شال جرس الباب وركب فيبريشن

شيطان ندل عزم صحابوا ع الغدا حبسهم فى اوضه
وشغلهم قران

زهقان اتجوز وحده زهقانه خلفوا واحد سموه افففففففف

مره واحد بلدياتنا بيهرج مع مراته فرماها من الدور العاشر
فطلعت قالت له والله ما انا لاعبه معاك تانى


وكده خلاصصصص

cheers


رابط صفحتنا على الفيس بوك من هنا





اقتباس :
طريقة عمل موضوع جديد في المنتدي  
الرجوع الى أعلى الصفحة اذهب الى الأسفل
http://aflam-com.riadah.org
 
شوية نكت من التيييت اللى قلبك يحبهم اللى عايز يألش على صحابه يخش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى افلام دوت كوم :: .::قسم التسالي والصور::. :: منتدى الضحك والفرفشة-
انتقل الى: